【話你知】戴有家居檢疫手帶的13歲少女與一名中年男子前晚在沙田一間餐廳用膳，涉違反《預防及控制疾病條例》，大律師陸偉雄表示，事主雖只得13歲，但仍須付上刑責，「10至16歲係青少年罪犯，會安排兒童法庭」，違反隔離令者最高可被罰款25,000元及監禁六個月。
由於事件涉及疑為少女父親的成年男子，二人會在成人法庭一併審判，「個女仔好明顯唔係一個人，個男人陪同一齊去，即係協助，可能涉嫌違反協助及教唆他人違反隔離令」。從短片中可見，兩人明顯違反隔離令，「女仔帶住手帶，相信喺機場有醫護人員同佢講解，而個成年男人更應該知道，仲喺話『畀條生路我行』」。陸認為少女年少無知法庭可能予以輕判，但成年男子理應有責任督促少女守法，因而從刑責上比少女大。