武漢肺炎肆虐全球，連日來香港確診個案激增，林鄭前日舉行記者會，宣佈今日凌晨起禁止非港人入境，同時又計劃修例禁酒吧食肆賣酒，形容「飲醉少少會有更親密行為，令到交叉感染風險增加」。對於港府擬推出「限酒令」，連一向愛國撐警的向華強太太陳嵐也加入鬧特首無能，做成這樣也是香港人的恥辱。向太留言句句有骨講到出口，批評林鄭打爛港人飯碗：「香港特首無能，林鄭月娥我替你智商着急！你連每天去澳門上班的香港人都要隔離14天？那麼怎麼上班？你是否有病啊？一萬多人將面臨失業，你知道嗎？你叫8600間有酒牌的餐廳不准賣酒？不是等於叫他們關門一樣？你只是不想負責任補償！不好好管一管歐美返港戴手環的人不要亂跑出去玩？反而去弄些有的沒的規定！」
杜汶澤：低級演員
向太又指一個沒有擔當的政府，難怪無論藍、黃色都討厭林鄭：「幾乎90%以上的人不喜歡你，也是奇葩了！做個地方特首做成這樣，也是香港人的恥辱。為甚麼人家澳門特首賀一誠先生才上任三個月，每次決策都令人鼓掌叫好呢？你學吓吧！不要學一半不學一半的。真是叫人着急！」
杜汶澤昨日在特首林鄭月娥見記者後於社交網留言，從演員角度評論林鄭的表現，他說：「好多人留意咗好耐條八婆好鍾意邊講邊笑。我嘗試用一個演出者嘅角度去解釋畀大家聽。一般低級演員都好喜歡用呢個演法，以為講講吓笑兩聲就等於斯文、大方同友善。不過佢絕對唔係呢種。通常對於一啲問題，佢選擇用呢個態度回應，其實係表示佢內心覺得你好無知，或者希望你覺得自己無知。」
秋生：打殘飲食業
敢言的秋生前日在社交網寸爆林鄭的行為白癡：「禁止賣酒係因為怕飲咗酒之後有親密行為。講嗰個都白癡嚟嘅，不如直接立法禁止有親密行為咪仲好。因為有啲人飲咗水都會有親密行為嘅，例如我咁，咁係咪要立法禁止飲水？好吖，一嘢打殘埋飲食業。」
才子陶傑和張寶華前日亦有在社交網譏諷林鄭「好清純」，陶傑表示：「這一句一定是七十年代讀中學時阿媽千叮萬囑的，一路記到𠵱家。不論你們幾咁話佢衰，由林先生的角度，相信佢到婚禮之前都一定係一個好女仔。」張寶華轉載一張「少女林鄭」卡通漫畫，漫畫中寫上「飲酒……會做錯事㗎」，並留言指：「一定激死何栢良。」
林作則在社交網留言，稱有網民和他討論用「公民拘捕權」，「逮捕」無視規定外出的受隔離人士，他留言：「我以現實角度同大家補充：當你攔截這種人的時候，會有警察反告你嗎？而這種罔顧法紀的人，會懂得民事索償你嗎？他們又會有任何人身傷害可以攞嚟告你嗎？還是香港人被這種人傷害得更深？」不過，有網民認為並不適用，稱違反隔離令最高可判處監禁是6個月，但容許「公民拘捕」的可逮捕罪行所指是可判處超過12個月監禁的罪行，嚴格來說不屬於可拘捕罪行，沒有法例保護，有可能構成襲擊，所以市民還是交給有關當局處理。
撰文：祖李