【本報訊】武漢肺炎抗疫戰中，特首林鄭月娥一直堅拒封關，更指封關有歧視之嫌，觸發醫護罷工，卻換來港府秋後算賬，揚言追究罷工醫護。林鄭昨日終肯封關抗疫，更將曾被她批評的醫護擺上枱，在記者會突然哽咽問故意違反檢疫令人士「對唔對得住前線醫護？」發起罷工的醫管局員工陣線在facebook發帖諷刺聲稱對醫護有「深切敬意」的林鄭「咪扮喊得唔得？」又指她假仁假義、禍港元凶。
記者：林俊謙 梁穎妍
林鄭月娥昨日仍然拒絕承認封關太遲，記者會結束前，她突然稱要向前線醫護人員表示深切敬意，因為疫症令他們及其家人有感染風險，更語帶哽咽表示，「呢班同事已經好有毅力抗爭數月，如果呢個時候由於小部份人故意違反家居檢疫令，出去打吓波、食吓車仔麵而導致社區爆發，我請問佢哋對唔對得住呢班同事？」
黃任匡：林鄭最對唔住醫護
其實，早在1月中武漢肺炎疫情還未在社區全面爆發時，醫護人員及各界人士已經要求全面封關，但林鄭回應時曾形容此建議不切實際。本報早前揭發林鄭向北京提交的抗疫小報告，將發起罷工促封關的醫護工會形容為害群之馬，必會秋後算賬。發起罷工的醫管局員工陣線昨日在facebook發帖批評林鄭：「深切敬意？咪扮喊得唔得？」不少網民留言支持陣線，「（林鄭）又要打又要殺又要拉又要炒……忽然敬意」、「最對唔住前線醫護嘅人就係佢……佢扮喊真係好嘔心。」「杏林覺醒」成員黃任匡更直斥林鄭：「我哋都未喊，你喊乜嘢？」他又稱：「你（林鄭）話嗰啲人對唔住醫護，其實全香港最對唔住醫護人員就係你，你𢭃咁高人工，做嘢啦，喊乜嘢呀？」
民主派議員也批評林鄭月娥扮喊令人作嘔。民主黨林卓廷指，林鄭若真正重視前線醫護人員的聲音，應該一早聽從醫護界意見立即封關，「當時林鄭死都唔肯，又話歧視、又話啲貨入唔到香港，喺度胡說八道，佢呢個人真係非常虛偽，當香港巿民失憶，以為巿民唔記得佢講過嘅嘢！」
林卓廷特別指出，林鄭月娥不但無視前線醫護人員要求封關，更向北京提交抗疫工作報告，表明會追究因爭取封關而罷工的前線醫護人員，「今次真係佢（林鄭）作喊，我作嘔啊！佢啲戲真係假到呢！佢喺推動送中惡法時已經試過喺鏡頭前扮喊啦，我想同佢講，香港人見到佢就真係流眼淚嘞！」