由於武漢肺炎喺英國肆虐，早前英超賽會就宣佈聯賽會停擺到4月30。不過據英媒《電訊報》透露，英超賽會同英足總目前對於復賽嘅初步安排，係暫定6月1重新開始英超，所有比賽都會閉門，希望六周內完季。報道話，6月1重開只係一個目標，皆因喺歐洲足協決定將歐國盃延期一年後，6月1對英超同其他國家嘅聯賽係最好時間，球季淨番嘅92場波會閉門踢，想六周內全部結束，確保今季順利完成。至於20/21球季就可以按原定計劃嘅8月8開始。另外報道仲提到，根據目前英超喺6月1日重開嘅計劃，為咗滿足電視轉播夥伴BT Sport同SkySport嘅需求，英足盃都會喺今季內完成，即管睇吓紅軍（紅衫）可唔可以順利封王。