【拆局】特首林鄭月娥昨公佈新抗疫措施，除了終於肯封關外，禁酒令更引起業界及社會極大爭議。有政界中人指，由於連日來社會、特別是醫護界人士強烈要求政府限制酒吧、食店營業時間，但業界代表強烈反對，林鄭一方面不想得罪業界，以免政治上失去支持，但又不能不回應民意壓力，最終只能出口術提出禁酒令，「但其實係兩面不討好，仲可能影響埋飲食界立會選情。」
怕得罪張宇人盛智文
有政界人士指，社會強烈要求政府限制營業時間甚至關閉酒吧、食店，「唔係因為飲唔飲酒事，而係防止聚會散播病毒」，但林鄭支持者中不乏大飲食集團代表，如蘭桂坊集團主席盛智文、飲食界立法會議員張宇人，他們強烈反對有關做法，「因為一旦唔畀做晚市甚至要關門，對呢啲大集團損失係天文數字。」林鄭既不想得失支持者，又要向民意交代，只好用出口術式的禁酒令，「起碼食店唔受咁大影響」。
但有民主派人士指今次最受打擊的是一些小酒吧，林鄭昨日沒提出援助或補償方案，「好多酒吧老細鬧政府只想逼死佢哋，所謂業界代表又唔係為佢哋發聲」，這些小店東主隨時在9月立會選舉中以選票表達不滿，「如果爭取到佢哋登記做飲食界選民，9月立會選舉分分鐘可以左右飲食界功能組別選情。」
■記者莫劍弦