李施嬅早前到加拿大為當地新劇《Blood & Water》開工，但因武漢肺炎拍攝叫停，李施嬅要先經多倫多飛往溫哥華，直至昨日才能坐飛機返到香港。昨午5時20分，李施嬅抵達香港，花了25分鐘進行檢疫、過關及取行李。其後，戴上口罩、帽及掛上空氣清新機、左手戴上追蹤手帶的李施嬅步出禁區，她表示好開心終於返港，原本還以為下星期才有機位：「聽日《法政先鋒4》有宣傳，我都去唔到，所以唔急住返，所以冇特別去撲機票同加錢換。」
李施嬅指過關時好暢順，檢疫人員只為她佩戴追蹤手帶，派發隔離守則文件及即場確認她的電話號碼正確，但沒有個別量體溫及抽查唾液樣本。她又指上機時先消毒座位，全程不除眼鏡口罩，沒有進食及去廁所，飲水也用自攜飲管，睡覺時更用被由頭至腳遮蓋全身。她坦言返港較安心，滯留在溫哥華時店舖都關門，連用膳也要上網訂。
鍾嘉欣邀留宿
臨返港前在溫哥華行山，李施嬅指可能難撲口罩，很少行山人士戴口罩，問到有否遇到歧視及不禮貌眼神？她說：「大家好友善，後生仔驚覺性低啲，會走過嚟想影相，但非常時期，我都婉拒。」提到鍾嘉欣邀請她到家留宿，李施嬅說：「我好驚訝，佢屋企有小朋友，仲話日日煮飯我食，但我都話唔好。」
擔心冇廁紙用
李施嬅笑指自己今年是隔離年，因為之前到加拿大時先隔離12日，今次返港又隔離14日，若再去可能又要隔離。李施嬅隨後電召車輛回家，也沒有作特別安排，她說：「都未知仲有冇廁紙，冇諗呢14日做乜，可能喺屋企做運動，其實我鍾意戶外多啲，冇諗屋企可以做乜。」
採訪：馬建華
攝影：陳慧安