組合Super Girls成員蔡明思（Jessica）昨日與盧頌恩於觀塘為開電視拍攝烹飪節目《30分鐘大放送》，Jessica在節目中煮四道菜，她說：「我會煮兩中兩西，西式嘅會煮喺美國寄宿時學嘅墨西哥菜，中式嘅係台灣麻油雞麵，係我為咗我老公努力學返嚟嘅，但係佢唔鍾意，因為佢唔鍾意啲藥材味。」
盧頌恩教路指紅棗很適合女士調理身體，更提議Jessica多煮番茄給老公吃有助生育，又笑言吃蠔也有幫助，Jessica卻耍手擰頭說：「我好怕腥，其實我好驚魚，有時諗住話畀奶奶聽我服侍得佢個仔好好，但佢一見到就會問點解冇海鮮，𠵱家已經有煮魷魚。」將來懷孕要多喝魚湯，問她可有考慮克服？Jessica笑說：「可能到時胃口會轉變呢。」
採訪：羅慧敏
攝影：陳俊強