早排財政司司長陳茂波係預算案公佈派錢，好多人就拎佢嘅派錢方法同前財爺曾俊華比較，不過薯片叔叔自從選完特首就冇乜點論政，決心淡出江湖，全力投身網上保險業。不過佢其實仲幾關心社會㗎，好似噚日喺facebook發文，話早前收集逾千條網民向醫護人員打氣嘅訊息，結集成書寄畀各醫院，希望為前線人員送上祝福。
薯片叔叔仲話𠵱家係疫情全球大流行嘅艱難時刻，希望香港人一如以往地守望相助，自救自強。雖然為抗疫要留有社交距離，但佢相信人心能超越距離，希望可以為身邊人打氣，打贏呢場戰疫，呢個精神正係佢一直從香港人身上見到嘅嘢。之後佢仲hashtag咗#香港疫轉勝、#自己香港自己保護、#香港人保護醫護人員、#香港人加油，為港人同醫護打氣。薯片叔叔雖然做嘅嘢唔多，但八方覺得起碼比777先鬧醫護有「害群之馬」，𠵱家又話對醫護「深切致敬」好啦。