盛傳今日會宣佈停擺嘅澳職，周一本身就有雙料娛樂，點知珀斯光輝鬥西部聯就因疫情取消，得番第2嘅墨爾本城作客尾3嘅紐卡素噴射機。呢場閉門上演嘅聯賽又爆冷，完半場前噴射機靠前鋒費斯格拉特（左）開紀錄。雖然70分鐘墨城扳平，不過八分鐘後噴射機再靠烏加高域遠射領先，最終主場以2:1擊敗墨城。