中學時期已從香港移民美國的Gigi（化名），至今居美近30年，自言「以前咩都唔理」，但去年香港反送中運動激發她與當地志同道合者組成群組，不斷留意香港新聞，沒想到這助她應對武漢肺炎，「因為個運動，我知道大陸做嘢內情，知道WHO（世衞）同大陸咩關係，係信唔過囉」。Gigi早在12月已略聞中國出現疫症，從香港新聞得知要補給口罩，她在美國搜購口罩予香港家人，也為自己留少量存貨。早前超市連廁紙被搶購一空，Gigi慶幸這邊的亞洲人先知先覺，「逐少逐少買定」。
轟官員衞生意識弱
眼見美國人幾乎一面倒聽從美國疾病控制與預防中心和世衞建議，認為戴口罩無助防止感染，只有病人才需要戴，甚至相信流感比武漢肺炎更「死得人多」。Gigi形容，意大利疫情對美國人是一記當頭棍喝，「好彩我哋唔係先過意大利有事」，否則以美人的防疫意識，隨時比現在更危險。
美國確診人數至今已逾26,000宗，「呢度嘅亞洲人其實好shock，明明醫學咁發達嘅地方，竟然意識咁低。兩個月嚟我都唔知個政府做咗乜嘢？到𠵱家都仲有好多官員開會唔戴口罩，又握手，真係好奇怪，佢哋深信口罩冇用」。她對政府處理手法感費解，即使政府推出派錢、減稅等抒困措施，但「真係救人命嘅嘢都係冇，全世界都將醫護放喺危險位置」。
Gigi住在新澤西州，居民常到旁邊的紐約州上班，故3月初紐約州出現第二宗本地確診個案時，她馬上要求一對就讀小學的孩子停學，丈夫亦留家工作，比政府正式宣佈停學和全民留家工作早個多星期。Gigi留意超市多了美國人戴口罩，近七成人更戴上手套購物，身邊美國人朋友亦互相提點要戴口罩，或拍片教人製作布口罩，防疫意識終於稍升。
對於美國總統特朗普稱病毒為「Chinese Virus」（中國病毒），Gigi擔心此說法令人把人種與病毒聯想起來，「佢咁講可能係想應對中國外交部話病毒由美軍傳入中國嘅講法，但可能真係會畀敵視亞洲人嘅壞人有藉口攻擊亞洲人，我覺得都係叫『Wuhan Virus』好啲」，不過她慶幸見到有持平的美國人網上呼籲人應針對中國政府，而非把不滿發洩在中國人身上。