父親為名伶新馬師曾，鄧兆尊小時候母親就一直想他繼承父親衣鉢，希望兆尊可以入娛樂圈發展。兆尊在加拿大畢業回港，祥嫂就千方百計安排兆尊加盟無綫，他就這樣入了娛樂圈。兆尊當年沒反抗，純粹是為圓母親願望做藝人，有沒有後悔呢？他說：「當年做公眾人物都係阿媽逼，我係讀完書返嚟，唔覺意食咗餐飯，在坐有何麗全，何生多口講句，你返咗嚟有乜做？我話唞幾個月就搵工，點知何生話咁你入嚟幫手啦！一句說話我就賣咗身畀佢18、19年嘞！」
當年兆尊在娛樂圈，因為有背景，在電視台待遇比普通人好少少：「早期都係做主持旁邊人，好過其他人啲啲，直至我遇到燦哥（廖偉雄），到今日都好多謝佢，佢不斷教我嘢，嗰段時間學得最多嘢，仲有爸爸啦，叫我由低做起，我平時對人態度，係跟佢嘅方法做。」