【「蘋果尊訪」系列四】鄧家發生爭產事件時，祥嫂洪金梅因為不滿老公新馬師曾（鄧永祥）的遺囑，指不會留她很多財產，一怒之下離家出走，當時祥嫂還把祥哥一些貴重的古董、字畫、珠寶首飾都帶走了；而遺留下來的鄧小艾都放到自己家，當中有一幅八仙圖、父親上台前濕口用的小茶壺等，小艾都珍而重之地保存着，跟着胞兄鄧兆尊帶着記者欣賞父親生前很喜愛的古董車。
撰文：鍾國仁
攝影：沈健程
小艾對父親的遺物都放在家中，訪問當日她就帶記者到家中觀賞，兆尊表示：「根據我妹妹講，呢幅係爸爸其中一個八仙圖嘅收藏品，呢個有故事講嘅，但比較神怪一啲，我爸爸講嘢成日都好神怪，當作聽古仔，係阿爸去扶乩，有人送一幅圖畫畀佢。」兆尊指小艾喜歡收藏爸爸的東西，特別買了一個玻璃櫃放擺設，他說：「總之係阿爸留低嘅嘢，佢都會好珍惜，舊唱片、阿爸喺外地演出時人哋送嘅水晶、佢用嚟飲參茶嘅杯……臨出台前要濕濕口（小茶壺）就係呢個，呢啲都係佢曾經用過，比較有紀念價值。」櫃裏幾瓶陳年XO及一些藥酒，全部是新馬師曾朋友送的，有些酒瓶是有他的名字，兆尊表示：「我估呢啲酒唔止40年，我出世都未見過，應該大過我。」
兆榮日日抹
之後小艾把大袋已封塵的戲服拿出來，兆尊拿起一件父親生前留下的短打唐裝試穿，並說：「呢啲舊款式，要着都幾困難，鈕釦我實在覺得比較難扣，我應該唔啱着，盡量試一下，好窄！着唔到！」之後兆尊與小艾還帶記者到停車場，看父親生前十分喜歡的一部老爺車，兆尊笑說：「通常呢啲款式嘅車我哋係唔會開嘅，因軚盤好重，好難駕駛，因為始終都係舊式車，架車係兆榮喺英國訂返嚟香港送畀阿爸嘅！阿爸收到時都好鍾意，經常有揸，𠵱家唔喺度，兆榮都好用心打理，真係日日抹車，所以架車先保養得咁好。」
下回預告：兆尊四兄弟妹感情要好，最為低調的胞妹碧玉原來是貓奴！
