17年前香港爆發沙士時，飾品設計師Bessie已移居巴黎，一身打扮徹頭徹尾是地道巴黎女子，但面對武漢肺炎卻沒如法國人那樣掉以輕心，「我新年嗰時有返香港過年，1月尾返到巴黎都留咗喺屋企14日戴口罩隔離，我老公仲笑我誇張」。
車縫防水布口罩贈醫護
Bessie批評政府經常前後矛盾，例如初時指疫情不嚴峻，聲稱病毒跟流感差不多，「（政府）一開始就話唔使戴口罩，除非係有病，𠵱家就有專家話戴口罩可以隔到病毒，應該戴」。最叫她生氣的是，即使世衞1月30日宣佈病毒為全球公共衞生緊急事件後，前法國衞生部長比贊竟不理疫情，2月16日宣佈辭去職務準備角逐巴黎市長選舉，最近卻對外聲稱1月已向總理菲利普警告病毒嚴重性。「政府反應係非常之遲，又不斷講fake news、轉口風，人民咪覺得冇嘢，所以世界各地都stop唔到個疫症。」Bessie悻悻然道。
即使法國政府終承認口罩效用，但醫護面對口罩短缺，有團體開始呼籲捐口罩，擅長車縫的Bessie便由車縫頭帶飾物，改為車縫防水布口罩，送贈醫護人員、需要長期復診的癌症病人和疫情下需照常上班的超市員工，同時拍片網上分享DIY布口罩方法，「如果大家都唔出街，疫症就會slow down，否則醫療系統一定會爆煲。」
3月16日，法國總統馬克龍終宣佈法國處「戰爭狀態」，規定人們必須留在家中，除非有必要活動方准外出，例如上班、採購食物、照顧老弱或蹓狗。惟政策宣佈後一日，巴黎陽光普照，人們還是一如以往地跑到公園享受日光浴，於是次日政府便宣佈連公園也需關閉，人們便開始轉到往郊區探父母、到海邊玩，「法國人好唔慣被鎖住，完全冇自律」。對於政府3月20日宣佈全國封鎖，Bessie認為現階段疫情已失控，只能盡量拖慢傳播速度，「非常時期就要用非常手段，𠵱家全世界都面對同一個問題，希望大家都可以自律，全國封鎖本來應該一早做，但係國家政府做得太遲」。