香港第一代電視小生，也是編導、監製的梁天，昨日下午2時半在醫院病逝，享年87歲。由60年代為無綫首部黑白長篇電視劇《夢斷情天》做到踏入彩色電視年代，由麗的做亞視，由幕前做到幕後，梁天都見證着香港電視史演變及興衰。除電視工作外，梁天不時拍電影和參與舞台劇演出，電影有《七十二家房客》、《香港73》、《扭計祖宗陳夢吉》、《異度空間》、《男人四十》等，擅演小人物及師爺角色，2011年葉德嫻和劉德華主演電影《桃姐》中，梁天飾演桃姐老人院院友，也成為了他最後影視作品。
外甥承繼衣鉢
據知，梁天晚年患有嚴重腦退化，前藝人鍾叮噹早年有跟梁天做義工，她昨日接受傳媒訪問時，形容梁天走得安詳，她又透露梁天有人承繼衣鉢：「佢妹妹都有個仔承繼佢衣鉢，近十年八年都跟住佢、陪住佢。」鍾叮噹透露三個月前曾與梁天在大埔做義工：「佢有唱歌畀老人家聽，佢身體冇事，行得、走得、笑得、講得，不過因為年紀大，都90歲喇，有時要病起上嚟都冇辦法，都走得安詳。」她又形容梁天在台下風趣，心地好，在十多年前重遇後邀請對方一齊唱歌：「佢唔計較有幾多錢，好難得，佢唔會利用上帝畀到佢好嘅臉容、上帝賜畀佢一個好有演戲嘅細胞、恩賜畀佢嘅知名度，而攞住嚟一定要換錢先交換，佢冇。你畀佢佢就要，唔畀佢，佢一啲都唔會話覺得畀任何嘅表示你，佢都係一樣咁樂意去做，當係義工咁做，呢點會好難得㗎！」鍾叮噹又透露，梁天在家人陪伴下安詳離去，是難得的福份。雖然收到前輩離世噩耗，但鍾叮噹仍感謝梁天家人，因為知道她與梁天相識，才將死訊告知，她已向梁天家人表示願意為梁天的殮葬提供協助。
鍾景輝失好友
而梁天十多歲時跟「戲劇大師」鍾景輝（King Sir）認識，二人在青年會戲劇社演話劇，後來King Sir加盟無綫發展戲劇，邀梁天加盟演出，從此成為電視金牌拍檔。昨日鍾景輝在電話中說：「我都聽到，痛失良友，人哋聽到打電話畀我。」劉兆銘也感慨痛失好友，他說：「好多感慨，唔係話好似好難捨難分，佢係好人，特別係好導演，係我其中一位學習榜樣。佢喺話劇舞台裏面演出嘅角色非常之到位同立體，佢喺舞台上係我學習嘅好榜樣，亦師亦友。好多好朋友一個一個仙遊去了，但好多唔好嘅面孔出現喺呢個世界，好感慨。」
曾與梁天合作拍電影的邵音音以短訊回覆：「一生性格都和善，臉上永遠掛着笑容。台詞看一次就全記得，永遠沒NG。他在King Sir最近一個舞台劇中，雖然已有腦退化症，但在台上沒有漏掉一個字。我和他合作很多部電影，不記得了。他病了幾年，不認得人，有時清醒有時唔清醒。」
採訪：魯吉