亞姐出身的陳煒在2008年與台灣商人顏志行結婚後宣佈息影，其後復出加入無綫。日前煒哥接受商台節目《1圈圈 星光背後》訪問，談到當年的際遇，她指不介意被「輕視」，又謂酬勞比亞視時差很遠：「我覺得係機會，貼錢都冇所謂。」
煒哥亦提到當年隨前夫到外地生活四年，卻感到自己在社會上沒有價值，到2012年復出，最後前夫主動提出離婚，煒哥說：「嗰陣大家行嘅路同思想有分歧，佢睇得出自己唔想付出，同我分析，如果我喺香港拍戲會有返啲人生價值，工作上會令到個人會開心啲，我係認同嘅，所以決定分開。」去年7月，煒哥被爆戀上醫生陳國強，她指感情穩定，有憧憬結婚，但未是時候。
撰文：羅慧敏