「我都唔知點算，條村應該好快封，我仲有一對仔女要養，但又無得指望政府打救。」在牛津郡的比斯特村（Bicester Village）從事代購的張小姐看着幾近空無一人的村內大道說。自上周起時裝界鉅頭開雲集團（Kering）陸續關封旗下品牌在英門市，村內逾六成商舖即關門至另行通知，掃貨聖地即變死村。
這裏名牌特賣店林立，售價比香港同款公價便宜一大截，入村掃貨是港人遊英指定動作。但始終英港距離甚遠，不可能常來，代購生意應運而生，不少港人都依靠該村「搵食」，張小姐正是其中之一。
記者日前走訪比斯特村，除張小姐及幾名同行，只得打算在閉村前撿便宜貨的當地人。張小姐表示，就算不全面閉村也難以維持生計，「因為Kering旗下品牌如GUCCI、巴黎世家咁都係港人熱捧，所以都冇得諗，這段時間只好待在家中」。
剛拿工作假期簽證來英的港人何先生表示因疫情暫無法找到工作，聽從友人建議入村格價看能不能做一下代購生意維持生計，「本來有一份工見得成，但埋門一腳話要開始work from home，所以暫時唔會請我住，我一個人喺度要交租同起居飲食，所以要諗吓計， 𠵱家咁都冇法，好在仲有啲積蓄，希望捱到過去」。