英國初期的佛系抗疫政策引來不少批評。居英的香港醫護人員透露，當地醫院防疫物資嚴重短缺，「連清潔工都冇口罩」。移居英國的香港前衞生福利局助理局長梁愛欣直指，英國政府的決策與疫情脫節。
在倫敦公立醫院任職高級臨床心理學家的港人CK（化名）表示，英人缺乏防疫意識，連醫護亦不遑多讓，就在世衞宣佈大流行前一天，其所屬醫院舉行講座，一共50人，席間不少人咳嗽，連講師亦不停咳嗽和流鼻水，但全場沒有人戴口罩。
她批評英政府早應採取嚴厲措施如要求國民外出戴口罩，「我都明白好難要求呢度啲人咁自律，呢度啲人獨立啲，比較自己顧自己，唔同香港。香港人的團結精神唔係一朝一夕建立的，係由我哋經歷沙士，到上年抗爭，一步一步咁累積」。
嘆港府錯過重建互信時機
經歷過沙士的香港，政府也不見得比人英明。90年代曾在港府衞生福利局擔任助理局長的梁愛欣指出，港府在今次抗疫中表現比沙士時倒退，「大型抗疫同打仗，政府領袖企出嚟安撫民心解釋政策係十分重要，但似乎呢一代官員無法做到呢點」。早前內地爆疫陸續封城，香港在巨大民意下反而未有跟隨，「明顯係怕決策會被政治化，對比沙士時期嘅政府係退步。」
現居英國的梁愛欣說：「其實香港剛經歷大半年政治動盪，抗疫係個好機會畀港府同市民重建互信，例如官員好似沙士時多落區溝通，同市民共同進退。但今次官員似乎冇咁做，反而係政府以外嘅專家去安定民心。」
她近日響應當地政府呼籲，家中自我隔離。梁接受電話訪問時表示，目前英國情況令人擔心，「我不在其位，但事實係進程（抗疫決策）比較慢，但疫情發展好快，我覺得（決策）係同疫情脫節」。
意大利等國早已封關，英國似乎落後於形勢，梁認為：「大家眼見意大利疫情迅速惡化，整個歐洲大陸有危機感所以行動一致迅速，而英國已脫歐，我估計溝通統籌上已無法好似以前咁密切。」
對於英國宣佈不再為輕微症狀者檢測，梁不敢苟同，「以我經驗，抗疫最重要一定係主動監測，你冇數據冇input，無法做任何準備……但始終世上冇幾多人好似香港人經歷咁多次大型抗疫，抗疫係講經驗，只能邊做邊學」。