娛樂圈明爭暗鬥嘅事件層出不窮，有價值嘅藝人講說話大聲啲，其他人都唔會覺得有問題，甚至仲會拎埋着數，隨時準備向呢啲人獻媚，保住自己嘅地位。不過人始終有老嘅一日，身價當然相對變低，受尊重嘅程度亦有所唔同，結果搞到呢啲做咗幾十年嘅前輩藝人，個個都意興闌珊，敗走而回，肯留低嘅，通常都係好熱愛呢個行業，搵吓茶錢過日辰。
話說喺某一個小圈子頒獎禮，除咗頒畀啲識做人、但係未必真係識得做戲嘅主角獎之外，仲有呃吓like，向啲前輩級演員致敬，點知喺忙中有錯嘅情況下，竟然冇人通知前輩「燒肉佬」standby，臨時臨急先發現唔見人，結果搞到佢好急俾人call返去，好彩燒肉佬本身有個識搵錢嘅仔，成日都會幫佢準備啲私伙用嚟做戲服，所以上台拎獎都唔算着得好寒酸，之不過其他人睇見，個個都戥佢唔抵，連基本嘅尊重都冇，難怪個個約滿就走人。
撰文：Jessie
姐匙Talk
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。