意甲球會羅馬上周五宣佈，球隊職球員（圖）各捐出一日嘅薪金後，令球會嘅籌款活動達到46萬歐元（約384萬港元），距離50萬歐元（約417萬港元）嘅目標唔遠，羅馬就宣佈將會為當地嘅一間醫院，購入三部重症病人呼吸機，同埋八張重病監護病床，協助當地醫院應對武漢肺炎帶嚟嘅危機。羅馬係喺上周四宣佈籌款活動，會長Jim Pallotta已先後捐出8.9萬歐元（約74萬港元），而一眾球迷同前羅馬球員亦都捐贈10萬歐元（約83萬港元），球會CEO Guido Fienga話：「球員同教練團都希望為呢座城市，同埋呢個國家嘅人民做啲有意義嘅事情。」