涉嫌使用假護照、喺巴拉圭被捕嘅巴西球星朗拿甸奴，據《太陽報》報道指佢嘅保釋申請已被駁回，有機會面臨長達6個月嘅監禁。美國時間明天就係細哨40歲生日，意味住佢即將要喺獄中度過壽辰，認真陰公。細哨同49歲嘅哥哥羅拔圖早前涉嫌使用巴拉圭假護照被捕，二人否認控罪，但係向佢哋提供護照嘅女商人冇出庭作證，搞到細哨未能洗脫嫌疑。上周細哨原定向法庭申請保釋，因疫情嚴峻希望喺屋企等待判決，但最終被法庭拒絕，佢仲被警告有機會面臨長達6個月嘅監禁㖭。好鍾意派對狂歡嘅細哨，今年生日肯定同以往比差天共地，佢26歲生日嗰年，曾經喺一間夜店通宵玩到朝早六點。