容祖兒早日前由倫敦回港，近日一直留在家中自我隔離。祖兒連日在Ig貼出短片分享在家點滴，更一嘗當廚藝界KOL，繼日前整牛油果炒蛋多士後，昨日又炮製番茄蛋素麵當早餐，見她手勢純熟未有「雞手鴨腳」，祖兒留言：「閒來練習下廚藝同剪片，同大家分享都幾有趣，樂趣處處有，希望大家都能夠在這段時間尋找到生活的另一種角度。」她還貼出愛犬豆豆及彈結他等的片段。
祖兒好姊妹蔡卓妍（阿Sa）早前在馬來西亞拍劇，因疫情停工，留在當地自我隔離，前日她為助手剪頭髮並貼相上Ig，她留言：「我助手今日叫我同佢剪頭髮，究竟佢係因為真係想剪頭髮，定係驚我悶呢？不過我都不負眾望，設計咗一個劃時代變化萬千嘅髮型畀佢，你哋睇吓佢幾咁滿意。」
撰文：余嬌