【本報訊】近日大部份新增的武漢肺炎新確診者均曾外遊，機場成高危場所，但不少的士司機為餬口，冒染病風險到機場接客，有司機稱會戴口罩及定期消毒車廂，亦要求乘客做好衞生，業界希政府補助，讓司機度過眼前難關。
促政府補貼助捱過難關
政府昨起要求所有外國入境人士居家隔離14天，令機場人流大減，本報昨中午時分在機場的士站，見有超過20輛的士排出50米車龍候客，站頭相當冷清，數分鐘內未見有乘客，其間有司機忍不住走出車外除去口罩唞唞氣。「搵食冇辦法，個人防護措施要做足晒，唔可以停喺度。」的士司機曾先生表示，受疫情影響收入大減，縱知道入機場載客風險較大，亦只能「頂硬上」，但會做好防疫工作，每當有乘客上車，定會戴口罩，「戴好晒畀客人睇，有啲鬼佬都問使唔使戴，我話一定要戴。」未來還打算自費添購探熱器量度顧客體溫。
曾先生稱除個人防疫，亦有消毒，車上放置搓手液，每天消毒軚盤及全車安全帶，但他憂經濟不見好轉，巿況慘淡後還要額外添置防疫物品，望政府能補貼，自己亦只能延長工時，望多勞多得，「我哋最多做唔到1,000蚊就做500蚊，一日做10個鐘做唔到，做20個鐘都得，起碼仲有得做」。
■記者黃麗英