楊明、黃子恆與孫慧雪昨日於深水埗派口罩，三人有份參演的劇集《機場特警》將於月底播映，楊明被問到劇集終於出街，不至成為倉底貨，他說：「我諗唔係倉底嘅，每逢拍完套劇都要等半年以上做後期，我哋2018年12月底拍完，都係拍完一年多，都正常嘅，我諗𠵱家係公司覺得最好嘅時機出。」提到因撐警立場引發網民罷睇，楊明說：「罷唔罷睇又或者有冇人鍾意睇，我都係控制唔到嘅，每個人都有自己嘅選擇，佢唔鍾意睇，又或者令到佢唔開心嘅話，可以選擇唔睇嘅，都係嗰句啦，我哋娛樂圈係畀娛樂大家，等大家休息時冇咁悶。」問到他的燉湯店生意，楊明指亦因疫情受到直接影響：「係比較差啲嘅，夜晚啲人少出街，都試過夜晚一個客都冇，希望疫情快啲完結，你話撐到幾耐都唔知道，盡量加油啦。」
另外，在《機》劇中在劇中飾演夫婦的孫慧雪與黃子恆，被問到會擔心警民關係緊張而影響收視嗎？黃子恆說：「係一套戲劇嚟嘅，唔係一套教育電視，戲劇世界乜故事都會有，咁先精采。」雪雪說：「呢個疫情大家都會搵節目，喺屋企睇電視，所以我哋都有信心嘅。」
採訪：羅慧敏
攝影：陳俊強