武漢肺炎全球大爆發，大家都等緊治療疫苗嘅出現。一間德國生物製藥公司CureVac近期積極研發治療武肺嘅疫苗，仲引嚟美國總統特朗普開價10億美元，希望對方可以專為美國生產疫苗。呢間公司嘅大老闆，正正就係喺德國球壇聲名唔多好嘅賀芬咸球會主席賀普。仲記得德甲停擺前拜仁慕尼黑作客賀芬咸場聯賽嘅風波，有拜仁球迷喺場內侮辱賀普令比賽一度暫停，最後兩邊球員「hea踢」互傳到完場。賀普係球壇係不受歡迎人物，但佢作為研發藥物公司嘅話事人就正氣得多，講明疫苗用嚟團結整個世界。據報一切順利嘅話，疫苗會喺第三季正式面世，希望可以救到世界。