【拆局】中共外交部昨突然向美國媒體下禁令，甚至將禁制採訪範圍擴大至包括香港及澳門，不少政界中人對外交部做法感意外，因過去中、美鬥爭，中共甚至港府均不想將香港拖下水，以免影響香港特殊經濟地位以及外國投資者信心，但今次外交部主動將香港推到中美鬥爭的前線，「可能外交部想加大禁令殺傷力，令美國感到壓力，但咁同送香港去死冇分別」。
以往即使中、美就貿易、科技問題開戰，北京、港府均極力避免香港捲入兩國爭端，「一為保住一國兩制，咁先可以保住美國畀香港特殊經濟地位、保住國際金融中心地位；二要保住國際投資者信心，令佢哋相信香港同大陸唔同，可以放心喺香港投資，為北京吸外資」。
難保國際投資者信心
但外交部今次做法，等同宣稱香港與大陸沒有分別，「日後在港外資隨時會俾北京開刀，咁仲有人信香港係一國兩制、可以保護到外資？」
有政界人士相信，外交部將美國媒體禁制採訪範圍擴大至香港，相信是想加強禁令殺傷力，「因為佢哋知班外國記者被禁喺大陸採訪，好多走去香港繼續採訪大陸新聞」，但如此一來等同將香港拖入中美角力，「美國最想中國咁做，今次外交部做法等同向美國認證，香港已經冇一國兩制，美國政府有大條道理取消香港特殊經濟地位甚至制裁香港，到時香港真係玩完」。
■記者莫劍弦