近日建制陣營出現一股強硬左風，先有何君堯為23條立法全面造勢，再有警務處處長鄧炳強揚言用反恐法告藏有爆炸品人士，將本土等同恐怖主義，大搞香港新疆化。有政界中人指，美國傳統基金會昨公佈經濟自由指數，香港失落第一位，反映國際社會在反送中後，已對北京對港「一國兩制」政策失信心，若北京真的再搞23條、將香港「新疆化」，「北京唔係殺雞取卵，而係殺雞毀卵，更加唔好低估美國政府即使應對疫症，仍有能力制裁香港」。
該政界人士稱，早已有美方官員指，若北京再收緊對港政策，例如立23條，香港獨立關稅地位必定不保，原本他以為美國政府要應對疫症，4月公佈的《香港人權與民主法案》認證報告，未必有具體行動，「但近日美國政府對中國嘅動作，冇因抗疫而停，一陣司法部又話查中興、美國繼續為武漢肺炎針對中國，有理由相信4月嘅認證報告，美國國務院唔會輕易放過香港」。
可是北京似仍默許在港推更強硬路線，明顯以國家安全之名收緊對港政策，但該政界人士指，美國傳統基金會經濟自由指數已說明，「北京越收緊，國際社會越擔心香港冇咗原本嘅自由、受美國制裁風險越高，撤出香港誘因越大」，最後中國可以將香港「新疆化」，但同時亦毀掉香港對中國經濟功能，「咁等同殺雞毀卵，特別係全球經濟面臨疫症後衰退，中共玩死香港，等於毀埋唯一吸外資門戶，焗死自己」。
季陶
周一、三、五刊出