強國輸出武肺病毒令香港人人自危，但777一直堅持拒向大陸封關，甚至向全球發紅色旅遊警示都唔包括中國，難怪香港人要自救。有黃店餐廳早前貼告示，講明只招待香港人，然後畀平機會同社協連環追擊，將件事提升去歧視層面糾纏：但八方估唔到，平機會主席朱敏健竟然將呢單嘢定性為有機會構成殘疾歧視！連登仔立即起哄，有人留言揶揄平機會，話佢哋認證中國人等於世界病夫喎！
平機會主席朱敏健呢個「朱隊友」噚日見記者，繼續拎住黃店餐廳單嘢講，話餐廳咁做，係假設所有大陸客人都可能染上武漢肺炎，有機會構成殘疾歧視；而只係拒絕招待講普通話嘅人，因為講嘅大部份係華裔人士，又可能係種族歧視喎。
朱隊友自創種族分類搞分化
朱隊友應該唔識有種東西叫常識同邏輯，雖則講普通話大部份可能真係華人，但黃店餐廳講明咗因為員工唔識講所以無法招待，更何況華人都可以唔識普通話囉，朱隊友自創呢個種族分類法，有連登仔早已經話，係咪想將香港人同華人當兩個唔同種族先？咁又係咪叫認證港獨？至於唔招待大陸人就如同假設佢哋染上武漢肺炎，有連登仔食住上，話「中國人=世界病夫（平機會認證）」，亦有話要放上微博，話畀班大陸人知港府話佢哋傷殘，其實如果咁都算殘疾歧視，「朱隊友」又點睇當日港府禁止湖北省居民嚟香港，係咪假設佢哋染晒武漢肺炎，所以係示範緊殘疾歧視呢？
李八方