自幼受父親薰陶學習南派功夫的敖嘉年，認為有助演武打戲份：「阿爸要我學功夫，幼稚園4、5歲放學就要練習紮馬，大啲就打套路。中學打跆拳道，自己鍾意北派功夫，後來跟陳觀泰拜師入咗大聖劈掛門。」
談起拜師，令人勾起敖嘉年於十年前與冼灝英的一段恩怨。當年有指敖嘉年口頭上稱冼做師父，後來卻拜陳觀泰為師，引起冼師父不滿，被對方借醉打爆左眼眉骨，敖嘉年說：「睇番件事自己都做得唔啱，人頭豬腦，講說話又唔識，好多嘢處理得唔好，造就各樣誤會，唔能夠只怪人，係自己做得唔啱先。」他表示與冼灝英曾在工作上碰面：「做嘢撞到都有打招呼，世界無常，何必放在心，帶落棺材咩，自己做得唔好，有機會有緣，大家傾番偈。」