【本報訊】在銅鑼灣波斯富街屹立近40年的老字號蛇王二，經歷沙士、金融海嘯等，店長羅長熙認為反送中雖對生意有影響，但政府堅拒封關、抗疫不力才最致命，形容是歷來最難捱的日子，生意額較去年同期大跌七成，銅鑼灣晚上死寂如「打完八號風球咁」；在尖沙嘴經營鞋店20年的劉先生亦稱肺炎疫情「嚴重過沙士十倍」，多天出現「零人流、零生意」，鞋店隨時面臨結業。
月蝕六位數 員工九折出糧
以蛇羹和燒味飯馳名的蛇王二80年代初進駐波斯富街，經歷沙士、金融海嘯的店長羅長熙稱武肺疫情是歷來最難捱，上個月已有6位數字虧蝕，「成間舖可以一個客都冇」，農曆年至今生意額比去年同期大跌七成。
藍絲批評反送中拖累零售業，但熙哥指去年示威期間生額約下跌三成，認為今次肺炎才致命，批評政府抗疫不力，該店上月起全部員工九折出糧。
於尖沙嘴經營鞋店20年的劉先生慨嘆，「呢一刻全城都無人行街，我都想閂咗唔做。」數月來每月約有一星期「全日無開過單」，形容「嚴重過沙士十倍」，去年示威期間生意下跌三、四成，現時更大跌六、七成，「我喺呢條街做咗廿幾年，第一次打算唔做」。
於厚福街經營小食店的老闆肥仔稱，農曆新年以來生意額大跌七至八成，「生意最少嗰日，一千蚊生意額都冇」，正考慮縮短營業時間。
■記者譚靜雯、鍾雅宜