【本報訊】佔中發起人之一陳健民（KM）上周六刑滿出獄，其母親與兄弟姊妹早在家等候，當日聚首第一餐，嚐到最惦念的雲吞，但仍不及家人激動「攬住喊」百般滋味在心頭，直言一場反修例運動，「經歷呢一年，佢哋對我睇法變咗好多」，甚至在道別時，「佢哋大家一齊唱《願榮光歸香港》」。
記者：許偉賢
陳健民昨晚接受D100節目訪問時透露，當日步出監獄時，第一時間向太太說「對唔住」：「知道佢呢一年好難受……尤其呢一年有啲事只有佢先可以處理，有個好大嘅擔子。」他坦言獄中日子艱難，但不後悔，基本上「頂得順」在囚生活，獄中幾乎沒有喊過，但太太探監時若情緒較差，他回到監倉便覺沮喪，「屋企有啲事要處理，但我完全參與唔到。」在獄中最不習慣是太嘈吵，因囚友會把電視機開到「嘭嘭聲」，指「嘈」才感覺「唔似坐監」。
雖然電視聲浪「嘭嘭聲」，卻看不到警暴實況，「日日都係睇TVB，睇唔到警察打人，差不多只係睇到示威者打人」，他只有從報章文字及市民來信了解，嘆道：「冇親眼見到情況，對我好大影響」。獄中某日電視播放港台《鏗鏘集》，大家見到有示威者被警察在地上拖走，「當時囚友都睇到呆咗」。
指黃店文宣吸引
KM重獲自由後雖然只有兩天，已到訪了警暴「重災區」，首個踏足地方是中大，「兜一兜校園，感覺好特別；教咗廿幾年書，冇見過冇晒人嘅校園。」KM仍能從校園內已復修的牆上塗抹過的痕迹，感受抗爭情況，他更特別到過中大保衞戰中的二號橋，「好大嘅路障，又有保安駐守，佢哋見到有人嚟，都覺得好奇怪。」他又特別到訪發生8.31事件的太子站，形容單從外圍已可感受到，香港如何不像是香港。
至於在反送中運動出現的黃色經濟圈，對KM而言亦是新鮮事，他就曾到沙田石門並特意幫襯黃色小店，同時被店內的文宣吸引，「嘩，乜咁多有才華嘅人？」KM指，過去這幾天專注與家人重聚，尚未仔細重溫香港過去一年發生的事，惟肯定事件終須要有平反的一天。
KM入獄前已提早退休，笑指自己不會想像重回本地大學執教。現時就準備撰寫三、四本書，包括把《獄中書簡》結集成書，亦想跟反修例運動抗爭者交流，分享自己被囚心得，實踐「毋忘點燈人」，繼續為時代作見證。