森美在英國讀書的17歲兒子梁曦樂，預計下周返港，要強制家居檢疫14天。森美昨日接受《蘋果》電話訪問說：「本來復活節返嚟，但學校上個禮拜都話你哋返就返啦，但我個仔就覺得要考公開試，想遲兩個星期。」森美尊重兒子決定：「不過我話唔好兩個禮拜，所以下星期返，咪喺屋企隔離囉。」問到機票幾錢？森美說：「早幾個禮拜未開始搶，我已經買咗，所以冇用炒價。」問到跟父母見面了嗎？他說：「未見呀，我未隔離到自己，等我隔離到自己先見佢哋。」
邵仲衡也有家人在英國，他的弟弟日前添丁，邵仲衡本來計劃飛英探親，因疫情影響取消行程，他昨日說：「𠵱家邊度都唔去，留喺香港。等疫情散去，我先過去探姪仔，媽咪住近郊，佢哋嗰度暫時都安全。」
採訪：皓騫、比華利