患病兼失婚，對一個女人來說是一個重大打擊。失婚的阿虹患上肝癌後慘遭丈夫離棄，現時與8歲兒子相依為命。為了兒子，阿虹決心堅強活下去，但面對高昂的免疫治療費用，阿虹無力支付，盼獲善心人資助每月3萬元的治療費，令她可以有心有力照顧現年8歲的兒子長大成人，讓兒子有個媽，有個家。
記者：廖怡德
阿虹現年47歲，2004年時經人介紹，嫁予患癲癇症的前夫。婚後7年，兒子出生，阿虹為照顧兒子在家當全職主婦，但好景不長，2017年阿虹身體突然有異樣。「我17年開始感覺肚內有舊嘢，但唔知係乜嘢，跟住我去睇急症，醫生同我檢查，話我個肝入面有個腫瘤成13cm，仲有一粒差唔多2cm，仲擴散到10粒以上，細細粒喺（肝）入面…」
確診肝癌，醫生建議阿虹做化療，另要同時服標靶藥治療，她指起初治療確實有效，腫瘤有縮小、癌指數亦有下降，但去年初懷疑身體出現抗藥性，治療出現的副作用，令阿虹很難受。「個嘴嗰度打針差唔多打晒成個口都係血，跟住下面好似女人經期咁，一褲一褲咁嚟，一企起身成條褲濕咗，無力呀，行步路都無力，嗰時好瘦…」
因為副作用太厲害，醫生建議阿虹改用免疫治療。「我轉咗免疫治療，打咗5針，比未打之前好好多。以前未打免疫治療，我落街買餸返嚟都要抖成半個鐘先可以煮到飯，但打咗免疫治療之後就唔使，起碼有啲力可以煮下飯畀個仔食…未打真係連刀都拎唔起。」
夫妻本是同林鳥，豈料大難臨頭卻各自飛。阿虹患肝癌後，曾期盼丈夫會體諒和照顧她，但丈夫非但未有照顧安慰，反而埋怨阿虹患癌為他添上沉重壓力，對阿虹的態度變得冷淡，更不時出手打她，對親生仔亦開始不聞不問。為了兒子，阿虹決定與他離婚。
身染頑疾加上離婚，以前萬事都依賴丈夫的阿虹申領了綜援，但面對沉重藥費，又要養家養仔，現時她仍與前夫同住。提到前夫對他兩母子視如陌路人，阿虹悲從中來流下傷心淚，但「為咗個仔我要夾硬撐落去，我個仔係我精神支柱。」
現時8歲的兒子，是阿虹求生存的動力。阿虹說，兒子的親生爸爸不理他，她就是兒子的唯一依靠，兒子得知她有病，很擔心會失去她。「我唔想媽咪死，我想人地畀啲醫藥費治療我媽咪，佢會照顧我同煮飯畀我食，我希望媽媽可以好返。」兒子生性，令病母倍感安慰。
眼見免疫治療有效，她希望可以繼續用藥，但這款藥物每月費用3萬多元，阿虹根本無法負擔。「免疫治療好貴，一針要成萬幾蚊，我一個月打兩針，每個月三萬幾，對我嚟講好吃力，無錢打得到，如果唔係我個仔唔知點算，無人照顧佢。」
阿虹現時的希望很簡單，只要能活下去，陪伴兒子長大成人，已經此生無憾。「我想睇到個仔18歲…如果我唔照顧佢，就無人照顧佢。希望善長人翁，有心人可以幫吓我，幫我個仔有個媽咪照顧佢囉。」
「阿虹」現無力負擔自費免疫治療費用，請支持她，使她的情況有改善。「蘋果日報慈善基金」關顧主任正關注她的情況。
「阿虹」暖流之友編號：C4666
網上捐款： http://bit.ly/applecharity
想知最新蘋果基金動向？即like fb： http://www.fb.com/adfundhk
「蘋果日報慈善基金」聯絡方法：
電話：29908688
傳真：23076307
電郵：mailto:[email protected]
WhatsApp：98627828
網址： https://hk-charity.nextmedia.com
facebook專頁： http://www.fb.com/adfundhk
YouTube頻道： http://www.youtube.com/adfundhk
「蘋果日報慈善基金」捐款方法：
– 以PPS或信用卡作網上捐款： http://bit.ly/applecharity
– 銀行存款：
滙豐銀行：580-198836-001
恒生銀行：368-006565-001
中國銀行：012-898-00067655
東亞銀行（往來戶口）：015-514-68-01678-5
– 現金捐款（OK便利店）
– 填妥捐款表格透過VISA、MasterCard或AE信用卡捐款
– 港九新界7間華星冰室分店之捐款箱
如讀者市民捐款至「殮葬專戶」，請於入數紙／支票背面寫上S0004專戶編號，然後電郵／傳真／WhatsApp訊息／郵寄予本基金。
如捐款至指定上述暖流之友，請於入數紙／支票背面寫上其暖流之友編號，然後電郵／傳真／WhatsApp訊息／郵寄予本基金。