【本報訊】武漢肺炎源於中國毋庸爭議，唯獨玻璃心未能接受現實。一名在英國留學的香港女生周五於Instagram限時動態轉載文宣，寫有「Coronavirus is China's」等字句，一批中國學生衝進其宿舍責問。香港女生受驚鎖門，對方仍企圖扭開門把及踢門，又隔門大叫「你有本事開門啊」。
該名在英國Cannock留學的香港女生，向香港反送中文宣網站公開了上述遭隔門威脅的短片，並以文字講述被滋擾經歷。女生周五在Instagram限時動態轉載一幅文宣圖，內容指「Hong Kong is not China's, Taiwan is not China's, Tibet is not China's, Coronavirus is China's」，一批中國女學生不久後衝到宿舍、到處找她所在房間，「我聽到佢哋把聲所以鎖咗門，但佢哋都搵到我間房」。
向校方投訴 反被斥有錯
中國人大吵大鬧引起舍監注意，「舍監鬧走咗佢哋，之後入房諗住同我傾，班女以為舍監走咗就又返嚟踢門」。該香港女生除了公開短片，亦與校長聯絡，「老師叫我哋當面傾，一嚟到班女就話，因為我IG冒犯佢哋中國人，話我攻擊佢哋、唔尊重佢哋」，眾人又聲稱到宿舍「踩場」是為了找她傾談，只有敲門、沒有踢門，惟片段清晰可見有人企圖扭開門把，又不斷大力拍門。
教師問該批中國人以後會否繼續做同樣行為，她們未有悔意，「佢哋話如果我繼續po文宣，佢哋會繼續咁對我」。香港女生引述校方結論，稱雙方只是誤會應和解，「仲話呢間係國際學校，我唔應該喺社交媒體講啲咁敏感嘅話題，話係我唔尊重學校嘅中國人先，話呢件事我有責任」。她對此很不滿，「我都想有人解答到我，點解明明係我間房，我唔可以feel safe甚至要鎖門？」
網民已經發起在Twitter轉發短片聲援香港女生，希望爭取英國國會議員關注，要求Chase Grammar School正視事件。
■記者周 婷