武肺疫情下搞到全球好多聯賽都停晒，但澳職就繼續勇武，上周六兩場波都如期上演兼冇閉門作賽，只係入場人數明顯減少。好似一哥FC悉尼（藍衫）咁，今季主場賽事平均都有一萬人入場，上周六對珀斯光輝呢場比較強勁嘅戲碼，只係得約四千人嚟捧場，結果就睇咗場0:0冇入波嘅比賽，可能真係留喺屋企仲好啲。另一場澳職，墨爾本城就同西悉尼流浪者踢成1:1。