趣趣地：細哨還柙都攞冠軍

39歲嘅巴西球星朗拿甸奴因涉嫌用假護照喺巴拉圭被捕，但當地法庭因為武漢肺炎疫情要緊急關閉，最快今個月27號先復工，所以正還柙候審嘅「細哨」，暫時都出唔番嚟。不過，佢身處嘅監獄每年3月都會舉行「監獄盃」5人足球賽，呢位球王亦趁機大顯身手。得到朗拿甸奴助陣嘅一隊，最終以大熱門姿態捧盃。細哨喺決賽入咗5球，仲有6次助攻，領隊波11:2大炒對手。