拍過《邊緣人》及《點指兵兵》等電影的導演章國明，前晚在facebook貼出幾張黑白舊相，留言「床下底又搵到一卷8米厘有聲菲林，認唔認得佢哋？」當年的訓練班學生，有已淡出娛樂圈多時的黃造時及演出過經典劇集《天師執位》的廖駿雄，還有仍在圈中工作的魯振順、艾威及當時一頭濃密頭髮的李成昌，還有擔任訓練班導師的章國明及程乃根，有看過教育電視的都會認識程Sir。
章國明接受《蘋果》訪問時透露照片是在訓練班校長家中開派對時所拍：「呢個係1978年TVB訓練班，佢哋嘅校長劉芳剛先生屋企開party，呢個係一段8米厘菲林短片，我已經將菲林數碼化變咗電腦video，不過我仲未得閒擺嗰條聲上返條片度。」導演出身的他笑言拍攝是興趣，到現在仍不停拍。
採訪：何永寧
