鄧洢玲（阿旦）前晚與陳蕊蕊到土瓜灣出席電競比賽活動，武漢肺炎下令營商環境百上加斤，阿旦開設的美容院近日生意大跌七成：「忙唔係生意好嗰種忙，係救亡嘅忙，睇吓有乜防疫工作做好可以吸引顧客。」幸好仍有一班熟客支持。阿旦的美容院有不少員工，大家減少上班時間共度困難，而她亦未有逼員工放無薪假，但她坦言現時美容院每個月蝕五位數，不過相比不少街舖結業，自己已算好彩。阿旦早前更寫信給大業主希望對方減租，她說：「大業主係一位90幾歲伯伯，佢好有人情味，𠵱家未知減幾多，要等佢同成幢租戶傾完先決定。」
同場的陳蕊蕊近日因插花班及演技班相繼停課，因此大多時間待在家中，惟有機不離手上網打機，近日更與正在了解中的男士一起玩。問到有否收看舊愛金剛在ViuTV主持的節目《金剛旅神團》？她說：「冇留意，如果有時間都會睇。」
採訪：馬建華
攝影：沈健程