黎燕珊、葉家寶與蔡國威等昨日到牛頭角派發1,000個口罩，珊姐指之前外傭放假回家後嘔吐，令她非常憂心，幸好不是感染武漢肺炎，但就嚇餐飽：「工人放完假一入門口就嘔，我從未試過咁擔憂，同佢睇完急症再睇醫生，個醫生都驚，原來佢食錯嘢，𠵱家到我照顧返佢，假日都係留喺屋企，不過隔籬鄰舍都有人要隔離，都會擔心。」
對於有空姐確診，珊姐囡囡任職空姐，問到可有擔心？她說：「佢𠵱家no pay leave，之前佢提出放兩個月假，呢個係恩典。」對於前夫劉永離婚並獨力照顧兩子，珊姐說：「唔回應喇，要保護返仔女，講乜都會傷害到人。」另外，蔡國威左眼包上紗布，原來他早前在家換燈膽後細菌入眼。
採訪、攝影：羅慧敏