疫情影響全球人，關楚耀胞妹、英文老師兼做網紅的關美薇，原定9月和拍拖6年的金融界男友袁煒熙在西班牙結婚，在當地小島馬略卡舉行100人婚禮，據知她的富二代好友嚴紀雯、楊海成千金楊嘉明等都會做姊妹，但婚禮現時可能被迫改期。關美薇一直和場地有關公司保持聯絡：「都好擔心，歐洲人暫時都比較樂觀啲，呢刻都係要等到夏天先會決定到，如果要延期，就會喺香港簽咗紙先，之後先再補辦番。」
一對新人去年9月在法國影婚紗相，於巴黎及近郊的古堡Chateau de Villette取景，關美薇說： 「輯婚紗相都係自己上網聯絡心儀嘅場地同攝影師，我上網搵到呢位女攝影師，好鍾意佢嘅風格，就email請佢幫手，當日影得好順利，女攝影師好易令一對新人投入氣氛擺甫士，尤其男仔會比較怕醜啲，我記得當日影嘅時候氣溫得10度，好凍，影完輯相就病了。」
採訪：唐如
更多精采時尚內容，盡在 http://add.appledaily.com。