【本報訊】大人要上山避疫，小孩子又是否適應？有家長說，孩子學會取水打水，懂得撿取適合生火的柴枝，甚至迷上種植，父母又可暫時抽身，不用像以往在家催促他們做網上功課。
母親從主婦生活抽身
記者一踏進營地，就聽到孩子的笑聲。五名來自不同家庭的小孩，樂此不疲地你追我逐，他們腳趾均沾上泥垢；一起拾枝燒柴，閒時與山下車房豢養的唐狗打成一片。傅先生就讀小學高年級的兒子，一邊用臉摩挲打盹的混種唐狗，大方介紹他的「露營朋友」給記者認識；「嗱，𠵱隻叫Bible，嗰隻叫黑仔，因為全身嘅毛都係黑色」。
另一「村民」陳太說，小孩在這裏生活不怕髒，「喺到跑吓種吓嘢，起碼開心過喺出面戴口罩囉」。很多周末來露營的「過客」不喜歡唐狗，會很大反應問「小朋友可唔可以帶返啲狗出去呀」，令陳太感到無奈和不解。
雖然生活不太方便，但陳太認為孩子獲益良多，「香港人生活嘅空間都唔會太大，如果你要困喺屋企，又要成日戴口罩，對於小朋友嚟講好辛苦 」。她寧願「麻煩啲」搬上山，以換取兒女片刻無憂，她亦可從勞累的主婦生活抽身，不用在家催促孩子做網上功課。她說依山傍水的生活令孩子學會取水打水，懂得撿取適合生火的柴枝，甚至迷上種植，「又話要種吓𠵱樣個樣，食個蘋果又話要自己種」。
營地有處小小的種植園，幾位小朋友埋頭苦幹，努力鏟泥，有的徒手挖掘，腳旁有貌似「洋葱」的圓球，原來是鬱金香種子。傅先生說三名讀小學的子女沒半點投訴，「我畀佢哋揀，佢哋都揀留喺度，因為即使返市區，都係落公園玩，呢度咪等於公園囉」，其中一名小男孩直言不想下山，說：「我唔想中肺炎！」