美國國務院《2019年人權報告》昨日出爐，香港部份與往年最大不同，在於報告用相當詳盡篇幅講述警暴問題，以及港府未有回應民間訴求成立獨立調查委員會。多名民主派及政界人士指，雖然人權報告只會列出事件，不會作評論或建議，但從取材可以看到，美國行政機關相信香港警暴問題嚴重甚至已損害人權，「份報告等同對北京、港府講，美國政府有晒料做嘢，可以隨時制裁香港同差人，只係選擇幾時郁手」。
摑葉劉一巴
有政界人士笑言，這份報告等同摑了剛訪美的葉劉淑儀等行會成員一巴，「佢哋講到美國唔會出手制裁香港，轉頭國務院就出份人權報告，講晒差人點樣被指侵犯人權、點樣打壓集會同言論自由」，這份報告等同為美國日後推動對港制裁提供理據，「廖長江都講，美國政府制裁香港要有程序、門檻，咁第一步係乜？就係有證據證明香港有侵犯人權，而呢份報告咪可以為國務院出手制裁香港提供證據」。
當然不少民主派人士也認為，人權報告只是美國政府出手的前奏，距離制裁還有很多步要走，「仲要睇中美關係、美國總統大選、美國經濟同疫情變化」，不過正如他們分析，當國務院撰寫的人權報告引用大量香港警暴材料，「你諗吓國務院會唔會之後又否定自己，話香港冇警暴、冇人權問題，唔使做任何嘢？到時共和、民主兩黨國會議員唔放過佢！」所以制裁港府及警察，可能不再是會不會的問題，而是何時的問題。
周一、三、五刊出
季陶