林家棟、白只及杜燕歌等日前在九龍城拍攝電影《手捲煙》，此片是政府資助的首部劇情電影計劃，家棟表示該片製作費有限，他更要慳化妝費，素顏拍攝，他又指製作費不多，五隻手指數得完：「我為支持新導鼓勵佢哋，所以冇收片酬，只係想部戲拍好啲，最重要係對得住觀眾。」
戲中的家棟生活潦倒，要投靠飾演見利忘義的社團大哥袁富華，當中更會有大廝殺場面。家棟坦言遇過有見利忘義的人，亦曾出心幫助人卻遭對方指損害其尊嚴，他說：「我幫咗人卻被埋怨，嗰一刻令我難過，我生平第一次要即刻搵朋友飲酒訴苦，點解我幫佢仲要埋怨我，不過我會繼續幫人，但唔使人哋多謝，做咗就算。」
採訪：張明
攝影：林賓尼