早排「香港警察」官方facebook專頁出咗個「30萬，thx！」嘅po，自吹自擂有30萬like，佢哋又唔知自己公眾形象有幾差，結果即時辣着網民，30萬like急跌，到噚日「香港警察」官方page得翻28萬like！但呢一邊由網民發起嘅「香港黑警」facebook page（圖），由前日開始網民動員畀like，噚日已去到超過30萬like，超過「香港警察」官方page。
「香港警察」近日冇聲氣
香港人其實一向都好團結，由777民望去到個位數，到今次「香港黑警」like數超過香港警察，可以話係香港最黑暗嘅一天，有藍絲留言話個page篤數，但唔知點解自稱「忠誠勇毅」嘅香港警察facebook條數整極都唔靚？平時會因為唔係住嗰頭或者要返工而唔支持，今次只係喺facebook撳個like，點解搞咗兩日仲係冇聲氣嘅？定係真正嘅事實，係市民覺得用「香港黑警」形容警察，比用「忠誠勇毅」更加適合形容今時今日嘅警察？