黑警暴隊出招，搵個總警司面不紅耳不赤篤數，猛話999熱線15分鐘達標率百分之97，將721當做「個別一日」，唔計數。
2019年少減一日？唔止！少了6月9，少咗612，少咗616，唔見（人）721，摵走831，10月1發生暴隊槍擊學生案？冇喎！月曆根本冇十一，只得九月三十一。周同學離世的八號，不在暴隊月曆中。奉旨有柒，冇八。
咁樣，真係會令市民驚㗎！個別一日，開雙再開雙，個別N日無咗，全世界只得香港用黑警暴隊的行事曆，個別復個別，個別何其多，生於個別日那些BB，漫漫人生，點算？有人甚至擔憂，林奠下令，學三萬暴隊舌，將這些個別一日，改稱為「老海鮮日」，被敬老，就算老餅都冇人敢反對。接着還有「抗疫日」，武肺玩謝香港一百日有多，所以任何一日都可以緊急叫做「抗疫日」，暴隊宣稱可防可控，邊位後生仔出街？拉！記者，推跌！區議員，撳低鎖！而每個月八號，記錄了PK鄧的手指公，幽默些，這樣的個別一日，叫做「香檳日」。三萬暴隊的禽獸圈內，則叫做「飯聚日」。將四點鐘警謊台戲，搬去聯合國人權會議解釋：個別一日啫，無可疑。