立法會財委會噚日繼續加會討論基本工程撥備，主席陳健波偏幫政府、建制都唔係新聞，但佢噚日唔止趕民主派議員走，今次直情話要同民主派議員「隻揪」！作為主席竟然煽動議會暴力，真係無法無天！
遭郭榮鏗斥「奴才」
陳健波噚日主持會議，已多次喺民主派議員發言時激動插嘴，包括郭家麒批評建制派只識盲撐政府通過撥款畀中資機構發國難財，同埋批警察有法不依凌駕法律，陳健波都要求秘書處紀錄郭對主席嘅批評屬一派胡言，之後仲離譜到話想同郭家麒隻揪，不過等佢做完主席先，即時惹起民主派議員譁然。
陳健波唔單止煽動議會暴力，民主黨許智峯同公民黨郭榮鏗用「奴才」形容佢，只識為政府護航，陳見郭榮鏗唔肯收回奴才一詞，立即下驅趕令！