劉公子食慣嘆慣，形容當年坐監的日子如地獄︰「舊式監獄好暗，隔籬啲人同我講廁所有老鼠捐出嚟，我要搵嘢冚住，唔畀曱甴昆蟲捐出嚟，朝早聽到烏鴉叫，好驚！瞓唔到。」
剛入獄時，劉公子更被玩︰「有一日，佢哋話新人要去嘗試吓嗰啲味，就掟我入地獄谷底，我瞓喺床度成條雪條咁，我怕張床會塌唔敢郁，因為一塌跌落地，容乜易見到死老鼠，監房塵土飛揚，睇見都想嘔，我頂咗一晚就轉獨立囚室。」由於初期暴瘦抑鬱，他被安排見心理醫生，醫生用披頭四（The Beatles）的歌《Hey Jude》歌詞鼓勵他，他說︰「嗰句係『Take a sad song and make it better』，我聽完好動容、喊咗出嚟，恍然大悟後開竅，自己抹地、執床、洗廁所，同自己講要硬淨捱過。」他說未去過新屋嶺，但聽過抗爭手足指在裏面被非禮、強姦、雞姦，聽見已毛管戙︰「係咪真唔敢講，要fact check。」