盧巧音昨日到觀塘為香港開電視音樂節目《一曲走天涯》錄影，在節目中分享不少工作往事，又提及以前經常見到黎明，她解釋：「因為大家同一間公司，而且自己算係佢fans，𠵱家少機會見到。」
對於市道淡靜，盧巧音指對其影響不多，會專心寫歌做音樂：「希望疫情快啲穩定，計劃下年有自己嘅音樂演出。」她透露大後日會與樂隊Kolor做網上直播音樂會：「自己會唱三首歌，會幫Kolor唱埋和音，疫情影響下唔會請觀眾，我哋玩band，會將band房所有嘢消毒，亦都會除鞋同洗手，自己唱歌唔會戴口罩，不過我喺網上見過有band戴口罩唱歌，其實都幾辛苦，自己都試過戴口罩跑步，但唞唔到氣。」
採訪：張明
攝影：林賓尼