光榮冰室員工謙稱讀得書少，唔識普通話，落單困難，擺明唔接強國客人生意。驚武肺個案擴散，香港這隻無掩雞籠會變蝙蝠竇，係人之常情。自斷生意，源頭減肺，不讓香港重墜沙士深淵，市民應該畀手指公才對。但是，偏偏有人唔信邪，要在口罩裏面挑骨頭，呢個人，一開口就晒命：「阿姐，我係特首呀。」阿姐即刻摵高口罩戒備。「記住要與人保持適當社交距離。」阿姐好想將碟奶醬多直飛過去，車落佢個嬲到爆錶的鼻。「香港市民，除了洗手，一定要感恩黨中央，感恩習主席，感恩政府，不過唔使感恩我，我仍然充滿誠意和正能量服務市民。」阿姐忍唔住反擊：「特首你呀，去驗吓有冇發燒先啦。」特首隨即咳咗七聲，「私家醫生話自己冇罩用，拒絕睇我。我聽到佢地話唔接受藍屍與狗，話兩種都屬高危。咁講係唔重視世衞譚先生的專業意見，亦唔聽科學家鍾南山的建議……」阿姐閘住，叫佢先行自我隔離14日再講。「我大把嘢做，點得？等陣要去探吓檢疫中的闊太闊佬，要去街市巡查吓有無外地例如意大利野味的輸入個案。好啦，祝你地奶茶加油。」特首唔一定「全部都是假」，佢真係玩謝香港玩得好開心。林鄭加PK鄧的港版新天地，呈陽性，人傳狗。