甘比近月都以劉鑾雄慈善基金名義派防疫物資，前日她在社交平台公佈已派發了50萬個口罩及10萬支消毒洗手液，除此以外原來大劉的慈善基金，也有對患罕見腺樣囊性癌的30歲歌手李明蔚，提供醫療費協助，昨日《蘋果》向甘比求證，她說：「係，我同老公心態都係幫到咪盡量幫囉！呢啲獨立個案我哋𠵱家手頭上起碼幫緊成千個，連有家人死咗冇錢葬，向我哋求助，我哋都有捐錢。」
李明蔚也對大劉的幫助表示感激，她受訪時說：「有幫過呀！其實我都冇諗過佢哋會幫我，所以真係好感謝佢哋，好衷心感激佢哋熱心幫助，因為睇醫生開支好大。」問到近況？她說：「係食標靶藥，食咗兩個月，副作用令我貧血，同有輕微甩頭髮，所以一直keep住驗血。」
採訪：鍾國仁、嵐山