馬國明昨日與岑麗香及商天娥等出席新劇開鏡儀式，近日有指馬國明契妹唐詩詠與緋聞男友陳思銘分手，與馬國明由兄妹升級為戀人，更有指馬國明以粗口辱罵陳思銘。對於種種指控，馬國明昨日強調沒生氣，表示不知道唐詩詠及陳思銘的關係，當然也沒有講粗口，他說：「我只係唔希望自己個名出現喺人哋嘅關係裏面，當然我都唔知道佢哋係乜嘢關係，萬一幾個月之後，詩詠真係帶個男仔出嚟話係男朋友，咁點算！」他指自己從來不過問別人的感情事，就連當初羅仲謙和楊怡談戀愛，他們在同一個劇組，他也察覺不了。
詩詠暗示沒影響
不過，馬國明承認有短信問候唐詩詠，並指女方沒事：「畢竟詩詠喺呢行咁多年，亦知道娛樂新聞會點寫，其實大家總會知道，佢最後係同邊個一齊、同邊個結婚，真係冇必要一直亂寫。」而昨日唐詩詠在Ig寫道「由自己內心使然才是踏實的價值」，暗示不會被傳聞影響心情。
希望對心穎改觀
另外，問到昨日有報道指黃心穎有樓收租不愁生活，所以無意轉行，靜待復出，馬國明對舊愛表示支持：「每個朋友我都想佢好，唔好一樣嘢就抹煞人哋多年努力，希望佢繼續努力，大家對佢改觀。」有指黃心穎右腳有黑玫瑰紋身，寓意重生，馬國明表示不清楚，更自認花心，擔心紋了又想鏟走。
此外，同場的香香坦言接拍這齣產後復出之作，曾經和家人開過家庭會議，商量拍劇期間兒子Jacob由誰照顧，幸好家人都十分支持她：「當然會好掛住個仔，屋企人都會發好多片畀我睇，好彩身邊好多working mom，我喺佢哋身上得到好多鼓勵。」不過她指因為太久沒拍劇，自爆廣東話退步不少，偏偏對白有很多成語，令她常常說錯。
撰文：祖李